ශුද්ධෝත්තම රොහාන් ලලිත් අපොන්සු අපොස්තුළු තුමන්ගේ ප්‍රධානත්වයෙන් 2013 ජනවාරි 26 වෙනිදා සවස කටුනායක අප ස්වාමිදූගේ සිද්ධස්ථානයේ දී විවාහ මංගල දිව්‍ය පූජාවක් සිදුකරනු ලැබීය.
මෙතෙක් කාලයක් කටුනායක අප ස්වාමිදූගේ සිද්ධස්ථානයේ දී සිදු කරනු ලැබූ සියළුම විවාහ මංගල දිව්‍ය පූජාවන් සිදු කරන ලද්දේ, දර්ශණ දෙව්මැඳුර තුලදීය. එහෙත් ජනවාරි 26 වෙනි සෙනසුරාදා සවස සිදුවූ විවාහ මංගල්‍ය දිව්‍ය පූජාව සිදුකරනු ලැබුවේ කටුනායක අප ස්වාමිදූගේ සිද්ධස්ථානයේ, ශුද්ධවූ පේදුරු සහ පාවුළු අපොස්තුළු උයනේදීය. ඊට හේතුව වූයේ මේ දිනවල දර්ශණ දෙව්මැඳුර සම්පූර්ණයෙන්ම ප්‍රතිසංස්කරණය කරනු ලැබීමයි.
අති උත්තම රොහාන් ලලිත් අපොන්සු ශුද්ධෝත්තම අපොස්තුළු තුමන් විසින් පුදකරනු ලැබූ මෙම විවාහ මංගල දිව්‍ය පූජාවේදී විවාහ දිවියට ඇතුලත් වූයේ, ශුද්ධෝත්තම අපොස්තුළු තුමන්ගේ පුද්ගලීක සහයක, කමරාගොඩ පදිංචි ලක්ෂ්මන් රෝයි සිල්වා මහතායි. ඔහුගේ අතගත් මනාලිය වූයේ, ඒකල පදිංචි සශිකලා නිරෝෂනී මෙනවියයි.
විවාහ මංගල්‍ය පූජාවේ විවිධ අවස්ථාවන් සහ අති උත්තම රොහාන් ලලිත් අපොන්සු ශුද්ධෝත්තම අපොස්තුළු තුමන් විසින් නව යුවලට විවාහ ආශිර්වාදය දානය කරනු ලැබූ අයුරු පහත ඡායාරූප මගින් ඔබට දැකගත හැකියි
